Qiziqarli kitob bilan uch oyda nimani o‘rgandik

2023-yilning sentabr oyidan noyabrgacha 6- va 7-sinf o‘quvchilari bilan biz matematika fanini davlat standartidagi kitobdan emas, balki IDC jamoasi tomonidan ishlab chiqilgan «Matematika: Yosh iqtidor egalari uchun» bo‘yicha o‘rgandik. Bu kitob uch qismdan iborat, biz esa dastlab birinchi qismini o‘rganishga e’tibor qaratdik.

O‘rganilgan mavzular

1. Oddiy amallar:

Birinchi o‘rinda qo‘shish, ayirish, ko‘paytirish va bo‘lish. Bu asosiy amallar bo‘yicha masalalar oddiydan murakkabga qarab joylashtirilgan.

2. Sonlar va ularga oid tushunchalar:

• Natural sonlar va xona birliklari;
• Sonlarini yaxlitlash va ularni taqqoslash (masalan, hayvonlarning og‘irliklarini taqqoslash);
• Kunlar, vaqt va masofa bo‘yicha masalalar.

3. Murakkabroq masalalar:

Bo‘lish qoldig‘ini hisoblash va aralash amallarga oid masalalar.

4. Soddalashtirilgan mavzular:

O‘rganishimizning so‘nggi qismida biz oddiy kasrlar, koordinatalar va geometriya asoslari bilan tanishdik.Masalan, koordinatalar bo‘yicha masalalarda:

• Ikki nuqtaning o‘rtasidagi masofani topish;
• Ikki nuqta o‘rtasida joylashgan uchinchi nuqta koordinatasini aniqlash.

Nima uchun bu muhim?

Ushbu kitob bolalarning matematik mantiqiy fikrlash qobiliyatini rivojlantirishga yordam beradi. Mavzularning bosqichma-bosqich o‘tilishi o‘quvchilarga biror mavzuni chuqurroq tushunish va keyingisini osonroq o‘zlashtirish imkonini berdi.

Bu uch oy davomida qilingan ishlar keyingi darslarga mustahkam poydevor yaratdi. Yanada qiziqarli masalalar va mavzularni o‘rganishda davom etamiz!